Zindagi ka Bahaw

Aaj zindagi dubti dekhi mene,

Khwahishen tootti dekhi mene,

Khushiyan palbhar main matam banti dekhi mene,

Khilkhilahat ruasi main tabdil hoti dekhi mene,

Zindagi maut ka vo manzar,

Jhunjhala jata hai dil ko,

Vo chaubis zindagiyan,

Rula jati hain man ko,

Socha tha zamana dekhega,

Lekin yun dekhega ye na pata tha,

Ki astitva bhi nazar nahi aayega tera,

Kya pata tha tu yun chala jayega mera,

Maa ki aans, maa ki pyas,

Roi aaj fut-fut ke,

Ki kaash na jane deti tujhko,

Kash fir se tham leta tu mujhko…..

 Zindagi fir se aa lautkar,

Yun na ja tu chorkar,

Saanse ruki hai teri hi aas main,

Nazren thami hain teri hi pyas main,

Tham le mujhe ek baar fir,

Fir na jane dungi tujhe kabhi kisi raaste,

Zindagi ro-ro kay yun kho jayegi,

Saanse chad-chad ke fir tham jayengi,

Kash main bhi chalti tere hi saath,

Fir na gam hota, na aasss………..